بسم الله الرحمن الرحيم
اليكم آخر القصائد الجميلة : ( قصيدة الريس حبيبنا)
أنا مبخافشى وهفضل أقول كلمـة حــق عليها مسئـول
إن الريس راجــل طيــب وبشعبه دايما مشغـــــول
مشغول انه يلم فلوسنا
بره سويسرا يحوشهالنا
وف حسابات سريه يشيلها
نفسه يأمن مستقبلنا
شفتو ازاى بقى قلبه رحيم
عنده ايمان وضميره سليم
بيجوعكوا لجل تخسوا
آه ياشعب يا محتاج لرجيم
من جهلكوا بتقولوا بطاله
وان الاحوال مش شغّاله
دا الراجل نفسه يريحكم
هى الراحه تبقى عواله؟
أما حكاية المنتجعات
ليه تسموها المعتقلات؟
ليه الظن وسوء النيّه
نفسه يفسحكوا يا بهوات
أما الكرسى واللى اتقال
دا كلام مش محتاج لسؤال
الغلطه دى غلطتنا
يا عالم إن مجبناش كرسى تيفال
والله انتم ظالمين الراجل
ضيّع عمره ومين يستاهل
حتى الاكل بياكله بدالنا
طالع واكل نازل واكل بعد دا كلّه........ماله الريس؟؟؟؟؟
انا مش عارف بتكرهوا ليه الريس ؟؟؟...........
طبعا قصيدة جميلة زرائعة جدا جدا بجد انا عرفتها من واحد كان عندوا مدونة وقفلوها له علشان الامن والخرة
ربنا يورينا فى حسنى مبارك وفى الامن يوم
سيف الاسلام
ليست هناك تعليقات:
إرسال تعليق
بسم الله الرحمن الرحيم
قــــــول كلمة حق قول كلمتك ومتخافش